.

მთავარი » 2013 » იანვარი » 11 » თუ კი მოვკვდები
18:32
თუ კი მოვკვდები

შემომეჩვია ზრახვები ავი,
მინდა ამაღამ მოვიკლა თავი,
დამჩხავლებს ალბათ საფლავზე ყვავი,
გიჟი ყოფილა ეს საცოდავი,
მერე საფლავის გაყინულ ქვაზე,
ამოტვიფრავენ სიცოცხლის ხანას,
დამიტირებენ საოცარ ხმაზე,
მიმაბარებენ სულ სხვა ქვეყანას,
ყველაზე დიდი სულ ერთი წელი
გამიხსენებენ ცალკე სასმისით,
შეეჯიბრება ერთმანეთს მთქმელი,
სულ სხვა აზრით და სულ სხვა ხალისით,
წარმომადგენენ სასწაულ მთქმელად,
ზოგი ჩემს ქებით აიდგამს ენას
და გაირკვევა მოულოდნელად
რომ ვყვარებივარ უკლებლივ ყველას,
ვფიცავარ მართლა ვერაფერს ვხვდები
და მაინც ამ ერთ შეკითხვას ვბედავ,
"თუ კი მოვკვდები ხომ გეყვარებით
რა დაგიშავეთ ცოცხალმა ნეტავ?
კატეგორია: ♥სასიყვარულო ლექსები | ნანახია: 892 | დაამატა: adjara | რეიტინგი: 5.0/1
სულ კომენტარები: 1
1 n.kolxi  
0
darwmunebuli var,cocxalic yvelas uyvarxar!!!sheeshvi sikvdilze fiqrs da sicocxleze imgere...

კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]