.

გეფერებოდი, მგონია გესმოდა,
ვერ მოგეფერე რამდენი ხანია,
გულში ვიწერდი, ქაღალდის მაგიერ,
უბრალოდ, ჩემი სიბრიყვის ბრალია.
ჩემი თრობა ხარ, ულევი სიამე,
ვფრთხილობ, განვიცდი, ვშიშობ არ დაგკარგო,
ვერ შეგელევი,სულს ძლიერ ჭირდები,
გულს უჩემობა, გთხოვ, არ გააკარო.
ავფორიაქდი,წუთია წახვედი,
არ მინახიხარ რამდენი ხანია,
მართლა ასეა, არაფერს ვიგონებ,
შენდამი უსაზღვრო გრძნობის ბრალია.
მართლა მიყვარხარ, როგორ არ მიყვარდე,
მე შენი მჯობნი ჯერ არსად მინახავს,
გელი, დანდობით შემოდი, ამ გულში
იცოდე ადგილს სათუთად გინახავ.