.

21:19 ჩემი ახალი წელი ნ.კოლხი
დრო მაინც მიდის...სულ ცოტა ხანში ახალი წელი კარს მომადგება; შემოიხედავს ჩემს ბნელ სენაკში და...კარის ზღურბლზე შეყოყმანდება;_ აღარც ნაძვის ხე,არც მაჭახელა, (თოფი კედელზე ჰკიდია ობლად)_ აღარც:,,რა მოგაქვს,ახალო წელო?”, აღარც ,,ალილო”,აღარც ,,რაშოვდა”;_ მტევნებშემხმარი ვენახი მხოლოდ_ მე, ამ სენაკის ჩუმი ხიზანი, კიდევ...კედელზე ორი ჭაბუკი_ ჩემი ქმარ-შვილი,ერთი ხნისანი. ავანთებ სანთელს,წავუქცევ ჭიქას, პურს დავაწვეთებ წითელ ზედაშეს; _როგორ შევხედოთ ერთმანეთს თვალში, როგორ მოვრიგდეთ ჟამო,მე და შენ?! მივალ და ფართოდ გავაღებ კარებს, ქარებს დავუთმობ ჩემს სამყოფს სულმთლად_ იქნებ მოძებნოს, მოხეტიალემ შემომიტანოს იმათი სუნთქვა. ზუსტად თორმეტზე მივალ ხატებთან, ვილოცებ ცრემლით თვალდაბინდული... კარს გაიხურავს ახალი წელი, გაიძურწება თავჩაქინდრული. 31.12.12. ნ.კოლხი
1 2 3 4 5 კატეგორია: ♥ლექსები \| ნანახია: 1026 \| დაამატა: \| რეიტინგი: 5.0/1

სულ კომენტარები: 0

კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]