.

01:31 Eminem ბიოგრაფია
მარშალ ბრიუს მაზერს III დაიბადა მისურის შტატში, დებორა მაზერს-ბრიგსისა და მარშალ ბრიუს მაზერს უმცროსის ოჯახში. მამამ ოჯახი ადრე მიატოვა. 12 წლის ასაკამდე მარშალი, დედასთან ერთად სხვადასხვა ქალაქებში საცხოვრებლად გადადიოდა. საბოლოოდ ისინი დეტროიტში დასახლდნენ. აქ, მოზარდობის პერიოდში მარშალი დაინტერესდა ჰიპ ჰოპით და სხვადასხვა საღამოზე გამოდიოდა ფსევდონიმით "M&M". 1995 წელს იგი შეუერთდა ჯგუფ Soul Intent-ს. ამავე პერიოდში გამოიცა მისი პირველი სინგლი. მიუხედავად იმისა, რომ იგი იყო ლინკოლნის სახელობის უმაღლესი სასწავლებლის სტუდენტი, უფრო მეტ დროს უთმობდა ფრისტაილის ტიპის შეჯიბრებს ოსბორნის სკოლის მოსწავლეებთან. მან მალე მიიპყრო ანდერგრაუნდული ჰიპ-ჰოპის მოყვარულთა ყურადღებაც. 17 წლის ასაკში იგი გააგდეს სკოლიდან. 1992 წელს მაზერსი მიიღო კომპანიამ FBT Productions, რომელსაც ძმები ჯეფ და მარკ ბეისი ფლობდნენ. იქ, 1996 წელს მან მოამზადა სადებიუტო დისკი Infinite, რომელიც ჩაწერილი იქნა ძმების საკუთარ სტუდიაში. დისკი გამოვიდა ლეიბლზე Web Entertainment. დისკში განხილული იქნა მისი ახლადშობილი გოგონას, ჰეილი ჯეიდ სკოტის მნიშვნელობაც. ამავე პერიოდში ემინემს ჰქონდა პრობლემები მეუღლესთან, კიმთან. მინი-ალბომის The Slim Shady EP ჩაწერის შემდეგ მან მეტი ყურადღება მიიპყრო, ამასთან - რეპერ კეიჯის იმიტირების გამო, რამაც კრიტიკა დაიმსახურა. ამ პერიოდში იგი დაუკავშირდა ჯგუფის Insane Clown Posse წევრ ჯოზეფ ბრიუსს და შესთავაზა ალბომის გამოსვლის დღეს პრეზენტაციაზე კონცერტის გამართვა. ბრიუსმა ამაზე უარი უთხრა. მარშალი ნაწყენი იყო და გააკრიტიკა დუეტი ბევრ თავის ინტერვიუში. გარდატეხა მაშინ მოხდა, როდესაც Interscope Records დაინტერესდა მარშალის შემოქმედებით - მას შემდეგ რაც იგი რეპ ოლიმპიადაში მეორე ადგილზე გავიდა. დრ. დრემ , რომელიც ფლობდა ლეიბლს Aftermath Entertainment მოისმინა რეპერის ჩანაწერები და შესთავაზა სრულყოფილი დისკის გამოცემა. მათ ერთად დაიწყეს ემინემის სადებიუტო მასშტაბურ ალბომზე მუშაობა. The Slim Shady LP არის რეპერ ემინემის პირველი სრულყოფილი სტუდიური ალბომი, რომელიც გამოიცა ლეიბლზე Aftermath Entertainment, 1999 წელს. ალბომი გამოცემისთანავე, ალბომმა გამოიწვია დავა მისი ტექსტების გამო. მაგალითად, სიმღერაში "Guilty Conscience" ქმარი კლავს თავის ცოლს და მის შეყვარებულს. სხვა სიმღერაში, "97' Bonnie & Clyde," ემინემი განასახიერებს მამას, რომელიც ბავშვის წინაშე აგდებს წყალში თავისი მკვდარი ცოლის გვამს (ალბომის ყდაზე სწორედ ეს სიტუაციაა გათამაშებული)> "Public Service Announcement", რომელიც მსმენელს აფრთხილებს უცენზურო ტექსტების შესახებ, ასევე ჩნდება ემინემისა და ჯგუფის D12შემდგომ ალბომებში. ალბომის სიმღერათა უმრავლესობა შეიცავს ამა თუ იმ რეალური მოვლენის კრიტიკას, ნახსენებია სექსი და ნარკოტიკები, ამასთან - მკვლელობების აღწერა შავი იუმორისმეშვეობით. ემინემი ამ ალბომზე განასახიერებს პერსონაჟს სახელად სლიმ შეიდი, რომელიც მისივე მოგონილია. სიმღერების დიდი ნაწილი შეიცავს ტექსტებს თავად რეპერის რეალურ ცხოვრებაზე. შემდეგი სტუდიური ალბომისგან, The Marshall Mathers LP განსხვავებით, იუმორი აქ უფრო მეტია. სიმღერები "Just Don't Give A Fuck", "If I Had" და "97' Bonnie & Clyde" უკვე შეტანილი იქნა ემინემის ალბომში The Slim Shady EP (1997). დოქტორ დრემ იმდენად მოიწონა ისინი, რომ განსხვავებული სახით შეიტანა ემინემის ამ დისკში. ტექსტები ალბომის სახელწოდების სახით რეპერის ნამდვილი სახელისა და გვარის გამოტანა ხაზს უსვამს დისკის უფრო პირადულ ხასიათს, განსხვავებით წინა ალბომისგან The Slim Shady LP, რომელიც მის ალტერ ეგოს წარმოადგენდა. ამ ალბომზე ემინემი აკრიტიკებს ყველას, ვინც მის წინა დისკს აკრიტიკებდა. ამ მხრივ ალბომი უფრო ბნელ ხასიათს ატარებს. ჩაწერა ალბომის პროდიუსერები არიან დოქტორ დრე და მელმ-მენი. მათ მიერ შექმნილი მინიმალისტური რითმების ფონზე ემინემის ვოკალი უფრო გამოიყოფა. აღსანიშნავია, რომ წინა ალბომთან შედარებით, ემინემი უფრო მეტად მღერის და ეს პროცენტულად უტოლდება რეპ-ვოკალების რაოდენობასაც კი. ყველაზე მნიშვნელოვანი მოწვეული სტუმრებიდან არის დაიდო. მისი სიმღერის "Thank You" სემპლი გამოყენებულია სიმღერაში "Stan" რეაქცია და წარმატება გამოცემიდან ერთი კვირის განმავლობაში ალბომი გაიყიდა 1.760.049 ასლის ოდენობით, რამაც მოხსნა სნუპ დოგის 1993 სადებიუტო ალბომის, Doggystyleრეკორდი და წინ გაუსწრო ბრიტნი სპირსის ალბომს. მაგრამ დისკის გამოსვლამ არაერთი პროტესტი გამოიწვია. ეს დაემთხვა გრემისდაჯილდოვებაზე ოთხი პრიზის მიღებას (2001). ამ დაჯილდოვებაზე "Stan" შესრულდა ელტონ ჯონთან ერთად, რამაც ბევრი გააკვირვა - ემინემის განწყობა იმ პერიოდში მკვეთრად ჰომოფობური იყო. ალბომის ლირიკაზე კიდევ დიდ ხანს საუბრობდნენ, უშუალოდ - უარყოფითად, მაგრამ ემინემის მოყვარულების უმრავლესობა ერთსულოვანი იყო ლირიკაზე საუბრისას - დისკში არა მხოლოდ პირადი ცხოვრების ფაქტები, არამედ აშშ სოციალური ცხოვრების ასპექტებიც სააშკარაოზე იყო გამოტანილი. The Eminem Show The Eminem Show არის რეპერ ემინემის მესამე სტუდიური ალბომი, რომელიც გამოიცა ლეიბლზე Aftermath Entertainment, 2002 წელს. ეს იყო 2002 წლის ყველაზე გაყიდვადი დისკი (7.6 მილიონი გაყიდული ასლი). გრემისდაჯილდოვებაზე მას მიენიჭა წლის ალბომის პრიზი, მთლიანობაში კი ეს იყო ემინემის მესამე ალბომი, რომელმაც წლის რეპ ალბომის კატეგორიაში მიიღო პრიზი. ამერიკაში მას 8 გზის პლატინის სტატუსი მიენიჭა, დღემდე კი გაიყიდა მისი 19 მილიონი ასლი. გამოცემა ალბომის გამოცემა დაგეგმილი იყო 2002 წლის ივნისში, მაგრამ კომპანიამ Interscope გადადო რელიზი 28 მაისამდე, რადგანაც ინტერნეტ-ქსელში გამოჩნდა ალბომის მეკობრული ვერსიები. გაყიდვა დაიწყო 26 მაისს (აშშ). პირველივე კვირაში გაიყიდა ალბომის 1.320.000 ასლი. ალბომზე თემები The Eminem Show ასახავს ემინემის ცხოვრებას 2002 წლისათვის და აჩვენებს მის უფრო სერიოზულ მხარეს. ამ მხრივ დისკის ლირიკის თემები ნაკლებად გაზვიადებულია, ვიდრე წინა ალბომებზე. ალბომის მოსმენისას მსმენელი ხვდება სხვადასხვა აქტუალურ თემას - რასების თანასწორობას ჰიპ ჰოპში ("White America"), რეპერის ბავშვობას ("Cleanin' Out My Closet"), 2000 წლის ინციდენტს ღამის კლუბის დაცვასთან ("Soldier", "Say Goodbye Hollywood"), მისი ჰიპ-ჰოპისა და იმავე დროს პოპის სუპერვარსკვლავის სტატუსს ("Sing for the Moment") და მის ურთიერთობას ყოველ მეუღლესთან, კიმთან და ბავშვთან ("Hailie's Song"). ჩაწერა ემინემმა, წინა დისკებისგან განსხვავებით, ამ ალბომზე მუშაობისას მეტი პროდიუსერული სამუშაო შეასრულა. დოქტორ დრეს, როგორც პროდიუსერს, ეკუთვნის "Business", "Say What You Say", და "My Dad's Gone Crazy." Encore არის რეპერ ემინემის მეოთხე სტუდიური ალბომი, რომელიც გამოიცა ლეიბლზე Aftermath Entertainment, 2004 წლის 12 ნოემბერს. აღსანიშნავია, რომ ალბომის ლირიკა რეპერის წინა სტუდიურ დისკებთან შედარებით ნაკლებად შოკირებადია. ალბომში ალბომის ყდაზე ემინემის პერსონაჟი 'სლიმ შეიდი' უკანასკნელად იხრება მსმენელის წინაშე. ეს თითქოს იმის ნიშანი იყო, რომ ემინემი ტოვებს თავის ალტერ-ეგოს. ალბომის ფინალურ ნომერში ისმის, რომ სლიმ შეიდი თავს იკლავს. ამას ხაზი გაესვა დისკის ბუკლეტზეც. Relapse არის რეპერ ემინემის მეხუთე სტუდიური ალბომი, რომელიც გამოიცემა ლეიბლზე 2009 წლის 15 მაისს. ეს იქნება ემინემის პირველი სტუდიური ალბომი, 2004 წლის შემდეგ. ალბომის პროდიუსერია დრ. დრე. პირველი სინგლი ალბომიდან, ’’We Made You’’, ციფრული სახით გამოვიდა 2009 წლის 13 აპრილს. 2009 წლის 21 დეკემბერს ლეიბლებზე Aftermath, Interscope და Shady გამოვიდა ალბომის განახლებული გამოცემა Relapse: Refill. მანამდე ითქვა, რომ დისკის ჩაწერის დროს დარჩა ბევრი სხვა სიმღერაც, რომელიც მასში არ შესულა. Recovery[1] - რეპერ ემინემის მეშვიდე სტუდიური ალბომი.[2][3] იგი გამოვიდა 2010 წლის 18 ივნისს. თავდაპირველად მას ერქვა Relapse 2 და დადასტურებული იყო, როგორც ემინემის მიერ 2009 წელს გამოცემული მეორე დისკი, ალბომის Relapseშემდეგ, მაგრამ გამოცემა გადაიდო 2010 წლისათვის. [4] მოგვიანებით დისკის სახელი შეიცვალა. ინგლისში იგი გამოვიდა 2010 წლის 10 ივნისს [5], მთელ ევროპაში - 18 ივნისს, ხოლო აშშ-ში - 22 ივნისს.[1] ალბომიდან პირველი სინგლის სახით 2010 წლის 29 აპრილს გამოვიდა Not Afraid, რომელმაც ბილბორდის ჰიტ-აღლუმში #1 ადგილი დაიკავა. 9 აგვისტოს ალბომის მეორე სინგლი, Love the Way You Lie გამოვა. თავად სიმღერამ ასევე დაიკავა პირველი ადგილი ბილბორდის ჰიტ-აღლუმში D12 (ასევე ცნობილი როგორც: D-12, The Dirty Dozen, D-Twizzy და Detroit-Twelve) — ამერიკული ჰიპ ჰოპ ჯგუფი დეტროიტიდან,აშშ. ჯგუფის ალბომები სხვადასხვა დროს მოქცეულა ამერიკული, ბრიტანული და ავსტრალური ალბომების ჰიტ-აღლუმების სათავეებში. მართალია, ჯგუფი 1990 წელს ჩამოყალიბდა, თუმცა მეინსტრიმულ წარმატებას მათ მხოლოდ მაშინ მიაღწიეს, როცა ჯგუფის ერთ-ერთი წევრი - ემინემი მსოფლიომ გაიცნო. მანამდე, D12 მხოლოდ რეპის ანდეგრაუნდის სცენას ემსახურებოდა.
1 2 3 4 5 კატეგორია: ♥ბიოგრაფიები \| ნანახია: 1312 \| დაამატა: adjara \| რეიტინგი: 0.0/0

სულ კომენტარები: 0

კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]